Pres du cercueil d'une morte gisante
Mort et amour vindrent devant mes yeulx
Amour me dist La mort est plus duysante
Car en mourant tu auras beaucoup myeulx
Alors la mort, qui regnoit en maintz lieux
Pour me navrer son fort arc enfonsa
Mais de malheur sa flesche m'offensa
Au propre lieu où amour mist la sienne,
Ainsy son dard seulement avanca
Celluy d'amour en la playe ancienne.